Hutsegiteak garesti ordaindu zituen Laskorainek

4-1 bateko emaitzarekin itzuli ziren atzo ikastolakoak Tolosara. Partiduko hainbat pasarte zituzten buruan jokalariek. Futbolaren leloetako bat bete zen atzo, aukerak barkatu ezkero azkenean garesti ordaintzen dela. Hala izan zen eta amaierako minutuetan merezi izan ez zuen sarraskia egin zion etxeko taldeak. 

Lehen zatiaren hasieran gogotsu eta indartsu sartu ziren Laskoraindarrak. Presioan indartsu eta baloiak galdutzat eman gabe, etxeko taldeari gauzak zail jarri zizkioten lehen hamar minutuetan, baina izandako aukeretan ez zuten asmatu. Aldiz, Iosuk atepean lan gutxi izan bazuen ere, etxeko taldeak izan zituen aukera urrietatik bat barrura bideratu zuten. Laskorainen lehen minutuko minutu okerrenetan izan zen. 

Bigarren partean presioan oso fuerte sartu zen ikastolako taldea eta falta bitartez Beñatek berdinketa egingo zuen. Banakoarekin aukera argi ugari izan zituzten baina ez zuten atepean asmatu. Bigarren gola etxekoek egingo zuten eta markagailuarekin jolasten jakin zuten. Laskorainek baloia izan eta aukerak sortzen jarraitu zuen baina ez zuen ate aurrean asmatu. Azken bost minutuetan atezain jokalaria jarri zuten jokoan baina ez zuten asmatu eta etxekoek errenta handiagotu zuten.

Amaieran, esan bezala, lau eta batekoarekin bueltatu ziren horitxoak etxera. Ikusitakoari justizia egiten ez dion emaitza baina, horrelako egunak ere izaten dira. 

Hoberena sentsazioak berreskuratzen doala taldea. Orain, lanean jarraitu behar da hainbeste geldialdi izaten ari den denboraldi honi aurre egiteko. Lana lana eta lana hurrengo partidua prestatzeko.

Argazkia: Gora Bilbao FS